قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ بۇيرىعى  №306 

2015 جىلعى 20 ناۋرىز, استانا قالاسى قازاقستان رەسپۋبليكاسىنىڭ ازاماتتىق اۆياتسيا ۇيىمدارىن ازاماتتىق اۆياتسيا سالاسىنداعى حالىقارالىق ۇيىمداردىڭ اۆياتسيالىق ستاندارتتارىن قولدانۋعا رۇقسات بەرۋ قاعيدالارىن بەكىتۋ تۋرالى «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» 2010 جىلعى 15 شىلدەدەگى قازاقستان رەسپۋبليكاسى زاڭىنىڭ 14-بابى 1-تارماعىنىڭ 41-34) تارماقشاسىنا سايكەس بۇيىرامىن: 1. قوسا بەرىلىپ وتىرعان قازاقستان رەسپۋبليكاسىنىڭ ازاماتتىق اۆياتسيا ۇيىمدارىن ازاماتتىق اۆياتسيا سالاسىنداعى حالىقارالىق ۇيىمداردىڭ اۆياتسيالىق ستاندارتتارىن قولدانۋعا رۇقسات بەرۋ قاعيدالارى بەكىتىلسىن. 2. قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ازاماتتىق اۆياتسيا كوميتەتى (ب.ك. سەيداحمەتوۆ): 1) وسى بۇيرىقتى زاڭنامادا بەلگىلەنگەن تارتىپتە قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدى; 2) وسى بۇيرىق قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى باسپا باسىلىمدارىندا جانە «ادىلەت» اقپاراتتىق-قۇقىقتىق جۇيەسىنە رەسمي جاريالاۋعا ونىڭ كوشىرمەلەرىن جىبەرۋدى; 3) وسى بۇيرىقتى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ ينتەرنەت-رەسۋرسىندا جانە مەملەكەتتىك ورگانداردىڭ ينترانەت-پورتالىندا ورنالاستىرۋدى; 4) وسى بۇيرىق قازاقستان رەسپۋبليكاسى ادىلەت ينيسترلىگىندە مەملەكەتتىك تىركەگەننەن كەيىن ون جۇمىس كۇنى ىشىندە وسى بۇيرىقتىڭ 2-تارماعىن 1), 2) جانە 3) تارماقشالارىندا كوزدەلگەن ءىس-شارالاردىڭ ورىندالۋى تۋرالى مالىمەتتەردى قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ زاڭ دەپارتامەنتىنە ۇسىنۋدى قامتاماسىز ەتسىن. 3. وسى بۇيرىقتىڭ ورىندالۋىن باقىلاۋ جەتەكشىلىك ەتەتىن قازاقستان رەسپۋبليكاسىنىڭ ينۆەستيتسيالار جانە دامۋ ۆيتسە-مينيسترىنە جۇكتەلسىن. 4. وسى بۇيرىق ونىڭ العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى. قازاقستان رەسپۋبليكانىڭ ينۆەستيتسيالار جانە دامۋ ءمينيسترى ءا.يسەكەشەۆ قازاقستان رەسپۋبليكاسى ينۆەستيتسيالار جانە دامۋ مينيسترلىگىنىڭ 2015 جىلعى 20 ناۋرىزداعى №306 بۇيرىعىمەن بەكىتىلگەن قازاقستان رەسپۋبليكاسىنىڭ ازاماتتىق اۆياتسيا ۇيىمدارىن ازاماتتىق اۆياتسيا سالاسىنداعى حالىقارالىق ۇيىمداردىڭ اۆياتسيالىق ستاندارتتارىن قولدانۋعا رۇقسات بەرۋ قاعيدالارى 1. جالپى ەرەجەلەر 1. وسى قازاقستان رەسپۋبليكاسىنىڭ ازاماتتىق اۆياتسيا ۇيىمدارىن ازاماتتىق اۆياتسيا سالاسىنداعى حالىقارالىق ۇيىمداردىڭ اۆياتسيالىق ستاندارتتارىن قولدانۋعا رۇقسات بەرۋ قاعيدالارى (بۇدان ءارى – قاعيدالار) «قازاقستان رەسپۋبليكاسىنىڭ اۋە كەڭىستىگىن پايدالانۋ جانە اۆياتسيا قىزمەتى تۋرالى» 2010 جىلعى 15 شىلدەدەگى قازاقستان رەسپۋبليكاسىنىڭ زاڭىنا سايكەس ازىرلەندى جانە قازاقستان رەسپۋبليكاسىنىڭ ازاماتتىق اۆياتسيا ۇيىمدارىن ازاماتتىق اۆياتسيا سالاسىنداعى حالىقارالىق ۇيىمداردىڭ اۆياتسيالىق ستاندارتتارىن قولدانۋعا رۇقسات بەرۋ ءتارتىبىن ايقىندايدى. 2. وسى قاعيدالار مەملەكەتتىك جانە ەكسپەريمەنتتىك اۆياتسيانىڭ اۋە كەمەلەرىنە قولدانىلمايدى. 3. قازاقستان رەسپۋبليكاسىنىڭ اۋماعىندا ازاماتتىق اۆياتسيا سالاسىنداعى ۋاكىلەتتى ورگان (بۇدان ءارى – ۋاكىلەتتى ورگان) ايقىندايتىن ازاماتتىق اۆياتسيا سالاسىنداعى حالىقارالىق ۇيىمداردىڭ اۆياتسيالىق ستاندارتتارى قولدانىلادى. ازاماتتىق اۆياتسيا ۇيىمى مالىمدەگەن ازاماتتىق اۆياتسيا سالاسىنداعى حالىقارالىق ۇيىمنىڭ اۆياتسيالىق ستاندارتى مالىمدەلگەن اۆياتسيالىق ستاندارت بولىپ تابىلادى. 2. قازاقستان رەسپۋبليكاسىنىڭ ازاماتتىق اۆياتسيا ۇيىمدارىن ازاماتتىق اۆياتسيا سالاسىنداعى حالىقارالىق ۇيىمداردىڭ اۆياتسيالىق ستاندارتتارىن قولدانۋعا رۇقسات بەرۋ ءتارتىبى 4. مالىمدەلگەن اۆياتسيالىق ستاندارتتاردى قولدانۋعا رۇقسات بەرۋ ءۇشىن ازاماتتىق اۆياتسيا ۇيىمدارى (بۇدان ءارى – ءوتىنىش بەرۋشى) ۋاكىلەتتى ورگانعا ەركىن نىسانداعى ءوتىنىش جىبەرەدى. وتىنىشكە مىناداي قۇجاتتار: 1) ازاماتتىق اۋە كەمەلەرىن پايدالانۋشى سەرتيفيكاتىنىڭ كوشىرمەسى (ۇشۋدى ورىنداۋ نەمەسە اۆياتسيالىق جۇمىستاردى ورىنداۋ قۇقىعىنا ارنالعان كۋالىك) نەمەسە ازاماتتىق اۆياتسيا تەحنيكاسىنا تەحنيكالىق قىزمەت كورسەتۋ جانە ونى جوندەۋ جونىندەگى ۇيىم سەرتيفيكاتىنىڭ كوشىرمەسى; 2) مالىمدەلگەن اۆياتسيالىق ستاندارتتار قولدانىلاتىن جانە ۇشۋ جارامدىلىعىنىڭ ۇستالۋىن باقىلاۋدى قامتاماسىز ەتەتىن مەملەكەتتە تىركەلگەن اۋە كەمەلەرىن پايدالانۋ جونىندەگى (ازاماتتىق اۋە كەمەلەرىن پايدالانۋشى بولىپ تابىلاتىن ءوتىنىش بەرۋشى ءۇشىن) قۇجاتتار كوشىرمەلەرى; 3) مالىمدەلگەن اۆياتسيالىق ستاندارتتارعا جاۋاپ بەرەتىن ۇيىمدىق قۇرىلىم سيپاتتاماسىنىڭ كوشىرمەسى; 4) حالىقارالىق تاۋەلسىز اۋديتورلىق ۇيىم جۇرگىزگەن مالىمدەلگەن اۆياتسيالىق ستاندارتتاردى قولدانۋدىڭ سايكەستىگىنە ءاۋديتتى باعالاۋ ناتيجەلەرىنىڭ كوشىرمەلەرى; 5) مالىمدەلگەن اۆياتسيالىق ستاندارتتاردىڭ تالاپتارىنا سايكەس اۋە كەمەلەرىنىڭ ۇشۋ جارامدىلىعىن ۇستاۋ جانە/نەمەسە تەحنيكالىق قىزمەت كورسەتۋدى ورىنداۋ جونىندەگى قۇجاتتاردىڭ كوشىرمەلەرى; 6) مىنالار: ۇشۋدى جۇرگىزۋ; ۇشۋ جارامدىلىعىن, تەحنيكالىق جاي-كۇيى مەن جابدىقتى ينسپەكتسيالاۋدى (باقىلاۋدى) دا كوزدەيتىن پايدالانۋشىنىڭ اۋە كەمەلەرىنە تەحنيكالىق قىزمەت كورسەتۋدى ۇيىمداستىرۋ جانە اۆياتسيالىق تەحنيكاسىن جوندەۋ راسىمدەرى; مالىمدەلگەن اۆياتسيالىق ستاندارتتارعا سايكەس اۆياتسيالىق پەرسونالدىڭ دايىندىعىن جۇرگىزۋ جونىندەگى نۇسقاۋلىق; 7) ۇشۋ قاۋىپسىزدىگىن باسقارۋ جۇيەسى جونىندەگى قۇجاتتاردىڭ كوشىرمەلەرى; 8) ساپانى باقىلاۋ جۇيەسى جونىندەگى قۇجاتتاردىڭ كوشىرمەلەرى قوسا بەرىلەدى. جوعارىدا كورسەتىلگەن قۇجاتتاردىڭ بارلىق كوشىرمەلەرى ءوتىنىش بەرۋشىنىڭ قولىمەن جانە مورىمەن كۋالاندىرىلادى. 5. مالىمدەلگەن اۆياتسيالىق ستاندارتتاردى قولدانۋعا رۇقسات بەرۋ ءۇشىن نەگىز ۋاكىلەتتى ورگاننىڭ كۇنتىزبەلىك وتىز كۇننەن اسپايتىن مەرزىمدە قابىلداناتىن شەشىمى بولىپ تابىلادى. 6. شەشىم وڭ بولعان جاعدايدا, ۋاكىلەتتى ورگان ءوتىنىش بەرۋشىنى جارامدىلىق ۋاقىتى بويىنشا شەكتەلمەيتىن مالىمدەلگەن اۆياتسيالىق ستاندارتتاردى قولدانۋعا رۇقسات بەرۋ تۋرالى جازباشا حاباردار ەتەدى. 7. ەگەر: 1) ءوتىنىش بەرۋشى ۇسىنعان قۇجاتتار وسى قاعيدالاردىڭ 4-تارماعىنىڭ تالاپتارىنا سايكەس كەلمەگەن; 2) ءوتىنىش بەرۋشى كورسەتەتىن قىزمەتتەر (جۇمىس تۇرلەرى) اۆياتسيالىق ستاندارتتاردى قولدانۋعا مالىمدەلگەن تالاپتارعا سايكەس كەلمەگەن جاعدايلاردا رۇقسات بەرۋدەن باس تارتىلادى. 8. مالىمدەلگەن اۆياتسيالىق ستاندارتتاردى قولدانۋعا رۇقسات بەرۋدەن باس تارتىلعان كەزدە ءوتىنىش بەرۋشىگە باس تارتۋ سەبەپتەرىن كورسەتە وتىرىپ, جازباشا تۇردە دالەلدى جاۋاپ بەرىلەدى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2015 جىلعى 28 ساۋىردە نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10823 بولىپ ەنگىزىلدى.